قره‌داغ / بهمن زمانی
قره‌داغ
ائللر اولدوزسان سن گؤزلیم آی قره‌داغ
یوخ گؤزل لیکده طبیعت‌ده سنه تای قره‌داغ
نیسگیلین چوخدور عزیزیم سنه قوربان اوره‌گیم
قوی بالان شعرایله چالسین سنه لای‌لای قره‌داغ
باش ساغلیغی: ناصر عبدالله پور
اولاجاغا چارا یوخدور دئمیشلر،
بئله گلیب، بئله گئدر آغلاما!
دوشونه‌نین دردی چوخدور دئمیشلر،
ائل، دیوانین اؤزو ائدر آغلاما!
دونن وارلیغینا اینانان گؤزلر، بوگون یوخلوغونا باخا بیله‌جک‌می گؤره‌سن؟!
تأسف ایله حؤرمتلی قونشوموز ناصر عبدالله پور دونن، گون اورتادان سونرا ایچیمیزدن کؤچوب گئتدی. او رحمتلیگین دونیادان کؤچمه‌سینی، محترم عائله‌سینه باش ساغلیغی وئریب و اونلارا شن گونلر دیله‌ییریک. سون آجینیز اولسون.
کند یئرلرینه سند آلین!
حؤرمتلی اوخوجولارین قوللوغونا چاتدیرمالییق سون خبرلره گؤره بنیاد مسکن انقلاب اسلامی کلیبر کندلرده دام داش و خرمن یئرلرینه سند وئرمک اوچون 2 صفحه‌لی فرم وئریر اونلارین‌کی الینده سند یوخدور ائیلیه بیلرلر بو فرم لاری آلیب، دولدورب و همن یئره تحویل وئرسینلر تا آردیسیندان نقشه بردارلیق و آیری ایشلری ایشه باشلاسین.
قان آغلایان دوغما یوردوم / یعقوب نامی
داغ اوستونه داغ باسیلدی
پارچالاندی یئرین باغری
سیلکه لندی اووجون دا دونیالارین
قوجاغ آچدی تورپاغ سنه.
آنالارین لایلالاری
شیون اولدو،
آغی اولدو؛
گنجلیگیمین آرخاسیندا / یعقوب نامی
گنجلیگیمین آرتیغینی
دولانباجلی کوچه‌لردن
سوپورمه‌یه چالیشیرام؛
بیلمیره‌م کی:
پاییز رنگلی یارپاقلارین آلتیندامی،
یادا سنین
آذربایجان باشین ساغ اولسون
شوخانا وئبلاقینین وریندن آذربایجان یئر ترپنمه‌سینده دونیالارینی دییشنلره رحمت دیله‌ییب و قالانلارینا باش ساغلیغی دئییب دؤزوم دیله‌ییریک
وطنیم قالا قالا / یعقوب نامی
وطنیم قالا قالا
تورپاغی قالا قالا
آنا بالا هاییندا
گؤزلری قالا قالا
عزیزیم داغ چکیلیر
کئفیمیز ساغ چکیلیر
یانیر عطشدن کؤرپه
کؤینه‌یی آغ چکیلیر
