شوخانا کندی‌نین بولاغی، نوخوشلوق قایناغینا چئوریلیب!!!
سانیریق شوخانا کندینده، سرین و گؤز یاشی تک دورو آخان بولاغینین سویوندان ایچمیش اولاسیز. ائشیدیگیمیزه گؤره بو بولاغین سویو بؤیرک داشینین خسته‌لیگینه درمان ساییلیر.
ادامه مطلب ...باش ساغلیغی: یدالله هجری آذر
نئجه راحت یاتاسان بیر گئجه بیزسیز آتا جان
قوروماز گؤز یاشیمیز بیر گئجه سنسیز آتا جان
بیز سنه بولبول‌لیدیک سنده بیزه باغ و چمن
نئجه بولبول یاشاسین باغ و چمن سیز آتا جان
سایین امیر رضا هجری آذر
آتانیزین دونیادان کؤچمه‌سینین 40 اینجی گونون سیز و محترم عائله‌نیزه باش ساغلیغی وئریب و شاد گونلر سیزه آرزو ائدیریک.
او رحمتلیگین یاس تؤره‌نی دوشنبه گونو (03/07/1391) ساعات 4 دان 6 قدَر سید حمزه مسجیدینده (ثقه السلام خیاوانیندا) قورولاجاقدیر.
باش ساغلیغی: احمد احمدپور شبخانه
نه باخیر سان، منیم کیمیمن باخیردیم، سنین کیمی
یاتاجاقسان، منیم کیمی
باخاجاقلار، سنین کیمی
تاسف ایله بیلدیرمه‌لی‌ییک حؤرمتلی احمد احمدپور شبخانه بیزیم عزیز شوخانالی قونشوموز بوگون 01/07/1391 ده حیاتیندان وداع ائتدی. تانریدان اونا رحمت و عائله‌سینه دؤزوم دیله‌ییریک. مکانی جنت اولسون.
آرتیرمالییق او رحمتلیگین یاس تؤره‌نی تهران‌دا قورولاجاقدیر.
باش ساغلیغی: اوستاد شهریار
شهریور آیینین 27سی، اوستاد شهریارین دونیادان کؤچمه‌سینی، باش ساغلیغی وئریب و اونون اوچون رحمت دیله‌ییریک.
باش ساغلیغی: ناصر عبدالله پور
اولاجاغا چارا یوخدور دئمیشلر،
بئله گلیب، بئله گئدر آغلاما!
دوشونه‌نین دردی چوخدور دئمیشلر،
ائل، دیوانین اؤزو ائدر آغلاما!
دونن وارلیغینا اینانان گؤزلر، بوگون یوخلوغونا باخا بیله‌جک‌می گؤره‌سن؟!
تأسف ایله حؤرمتلی قونشوموز ناصر عبدالله پور دونن، گون اورتادان سونرا ایچیمیزدن کؤچوب گئتدی. او رحمتلیگین دونیادان کؤچمه‌سینی، محترم عائله‌سینه باش ساغلیغی وئریب و اونلارا شن گونلر دیله‌ییریک. سون آجینیز اولسون.
کند یئرلرینه سند آلین!
حؤرمتلی اوخوجولارین قوللوغونا چاتدیرمالییق سون خبرلره گؤره بنیاد مسکن انقلاب اسلامی کلیبر کندلرده دام داش و خرمن یئرلرینه سند وئرمک اوچون 2 صفحه‌لی فرم وئریر اونلارین‌کی الینده سند یوخدور ائیلیه بیلرلر بو فرم لاری آلیب، دولدورب و همن یئره تحویل وئرسینلر تا آردیسیندان نقشه بردارلیق و آیری ایشلری ایشه باشلاسین.
آذربایجان باشین ساغ اولسون
شوخانا وئبلاقینین وریندن آذربایجان یئر ترپنمه‌سینده دونیالارینی دییشنلره رحمت دیله‌ییب و قالانلارینا باش ساغلیغی دئییب دؤزوم دیله‌ییریک
