قره‌داغ
ائللر اولدوزسان سن گؤزلیم آی قره‌داغ
یوخ گؤزل لیکده طبیعت‌ده سنه تای قره‌داغ
نیسگیلین چوخدور عزیزیم سنه قوربان اوره‌گیم
قوی بالان شعرایله چالسین سنه لای‌لای قره‌داغ
هامی‌لار شعرینی یازمیش قره‌باغ اؤلکه‌سینه
نه قوشولموش قره‌داغ کلمه‌سی عاشیق سسینه
بیر نفر وورمییب ال فولکولوریک خزنه‌سینه
اولا بیلمز او گؤزل شهرتینه سای قره‌داغ
قوی بالان شعر ایله چالسین سنه لای‌لای قره‌داغ
عثمانین کؤینگی اولموش قره‌باغ‌دا نبی‌لر
بیر قوچاق شخصه گؤرونکی نئجه تعریف دئییلر
قره‌داغ‌دا وار ایگیت‌لر‌کی سالار توک نبی‌لر
قره‌باغ ملتی سالدی نبی‌یه های قره‌داغ
قوی بالان شعر ایله چالسین سنه لای‌لای قره‌داغ
نه کتاب قالدی من آختارمامیش آخیرنه عاشیق
قره‌داغ کلمه سینه یوخدی غرض قوشما یازیق
اوز گلر یوردونا شاعرلریمیز ویردی ماریق
ایچیلیر بوزلو سویون یوخ دئیین اوخخای قره‌داغ
قوی بالان شعر ایله چالسین سنه لای‌لای قره‌داغ
گؤیچه بئل سحراما آغ داش اوچوران یئل دره‌سی
مزگرین پؤهره بالی مرزولونون یاغ کره‌سی
بویدوزون قاره توراجی تاتارین مال قره‌سی
توپخانادا یاشایان گؤرمور اوزو یای قره‌داغ
قوی بالان شعر ایله چالسین سنه لای‌لای قره‌داغ
اوره‌گیندن نه گؤزل چایلار آخیر اؤلکه‌میزه
دره ویرد آجی کلیبر چایی بنزیر دنیزه
سنده بیر گون یاشاماق خیلی سعادتدی بیزه
دملییب صاف سولاریندان ایچریک چای قره‌داغ
قوی بالان شعر ایله چالسین سنه لای لای قره‌داغ
بهمن زمانی
سلام محمد عزیز ممنون که بهم سر زدی شما هم سایت زیبایی داری ساغ اول شاد یاشا
Dear friends, you made me ecstatic. Thanks a lot for posting the great poem by Bahman Zamani. I was looking for it for so long