شوخانا و اونون قونشو کندلرینین ایقتیصادی اؤنجه‌دن اکینچیلیگی‌دی، بو اکینچیلیگین یانیندا شوخاندا وَغچیلیق و مال داوار ساخلاماق ایشینه‌ده باخیردیلار. 1342 اینجی ایله دک(تقسیم اراضی قانونی ایجرا اولمادان اؤنجه)، بو کندی‌لرین قازانیجینین چوخونو اؤزلرینه یوخ ظالیم خانلارا عایید اولوردو.
دوزدو 1342دن سونرا خانلارین اللری بو کندلردن اوزولدو آنجاق تأسف‌لر اولسون کی شاهین یالنیش سیاسیتی اثرینده بو ایقتیصاد آرادان گئدیب شوخانا و قاراداغین آیری کندلری زامان کئچدیکجه آغیر دوروما دوشدولر، کندلره یوللارین چکیلمه‌مه‌سی، ایشیق، خسته‌خانا، مدرسه و .... اولماماسی و اکینچیلیگه دَیر وئرمه‌دن کندی‌لر مجبور اولوب قازانج اوچون بؤیوک شهرلره اؤزل‌لیک‌له تهرانا اوز آپارسین‌لار (1325 اینجی ایل‌لرده) سونرالار زامان کئچدیکجه و شهرده ایمکاناتی گؤروب و اونلارا معروض اولان ظولم‌لری حیس ائدنن سونرا و عائله‌لریندن داها اوزاق قالماماق‌لاری اوچون بو کندی‌لرین ائولری شهرلره، چوخلو تبریزه و تهرانا کوچمه‌یه باشلادیلار (کؤچمک‌لرین چوخو 1350 اینجی ایلدن سونرا اولوب) و بوگونکو شوخانادا بارماق سایی بیرنئچه ائولی قالیب.
اکینچیلیک: شوخانا کندینین اسکیدن چوخلو اکینی آرپا، بوغدا، کوروشنه و پرینجیدی.
وغچیلیق: ایکینجی اؤنملی اولان وغچیلیغیدی (بیر نئچه نفر کی مئشه به‌یی آدلانارمیشلار ایندی‌نین پیمانکارلاری‌کیمی خانلاردان مئشه‌لری کونتراتا گؤتوروب کندی‌له‌ره وئیرمیشلر وغچیلر مئشه‌نین اودونلارینی ییغیب و اونلاری کؤموره چیئویرنن سونرا کروه‌ادارچیلارا ساتیردیلار یا اؤزلری آپاریب تبریز و سونرالار اهرده ساتیرمیشلار ).
مال داوار- چیلیق: هر کندلی‌نین گوجونه و وارینا گؤره قویون و اینه‌یی واریمیش کی بوحیوانلاری بسله‌ییب و اونلارین اَتی و سوتو ایله اؤز یئمک‌لرینی تأمین ائدیرمیشلر.
اکینچیلیک = کشاورزی
وغچیلیق = کؤمور دوزلتمک
کروه‌ادارچی = کؤمور آل وئرچی‌سی
سلام و یورولمیه‌سیز
وئبلاق اوچون چون ساغولون. گؤژل و موکممل‌دی. و مومکون اولورسا بو یازی حاقدا بیرآز چوخ بیلگی وئرین